დაცვის პოლიციის თავმჯდომარე თეიმურაზ კუპატაძე სასწავლო დაწესებულებებში არსებული საგამოცდო ცენტრების უსაფრთხოებას გაეცნო.
დაცვის პოლიციის თავმჯდომარე სასწავლო დაწესებულებებში არსებული საგამოცდო ცენტრების უსაფრთხოებას გაეცნო
შინაგან საქმეთა სამინისტროს დაცვის პოლიციის დეპარტამენტის თავმჯდომარე თეიმურაზ კუპატაძე, დეპარტამენტის თავმჯდომარის მოადგილე გიორგი ხვედელიანთან ერთად, ეროვნული გამოცდების დაწყების პირველ დღეს, 39-ე და 177-ე საჯარო სკოლებს ეწვია და სასწავლო დაწესებულებებში არსებული საგამოცდო ცენტრის უსაფრთხოებას გაეცნო.
საქართველოს მასშტაბით 2025 წლის ერთიანი ეროვნული გამოცდები - 12 ქალაქსა და 24 საგამოცდო ცენტრში მიმდინარეობს, რომელთა შიდა და გარე პერიმეტრის უსაფრთხოებას, ტრადიციულად, დაცვის პოლიციის დეპარტამენტის თანამშრომლები, 24-საათიან რეჟიმში უზრუნველყოფენ.
აღსანიშნავია, რომ ეროვნული გამოცდების მომზადების პერიოდიდან მის დასრულებამდე, ახალგაზრდებისა თუ განათლების სისტემის თანამშრომელთა უსაფრთხოებას, დაცვის პოლიცია 2018 წლიდან, მაღალი სტანდარტით იცავს.